अमेरिका —
अमेरिकाको Pittsburgh, Pennsylvania बसोबास गर्ने मिम गुरुले काठमाडौं प्रहरी कार्यालयमा इमेलमार्फत मानहानी र मानसिक यातनासम्बन्धी उजुरी गरेका छन्।
उक्त उजुरीमा उनले युवराज पौडेल नामक व्यक्तिले निरन्तर रूपमा सामाजिक सञ्जालहरू — जस्तै Facebook र TikTok मार्फत नेपाली राजनीतिक व्यक्तित्वहरू, विशेषगरी राष्ट्रिय स्वतन्त्र पार्टीका अध्यक्ष रवि लामिछाने प्रति अपमानजनक, गलत र आरोपपूर्ण सामग्रीहरू सार्वजनिक गरेको आरोप लगाएकी छन्।
मिम गुरुका अनुसार पौडेलले लामिछाने र उनका परिवारसम्बन्धी असत्य र आपत्तिजनक टिप्पणीहरू गर्दै सामाजिक सञ्जालमा बदनाम गर्ने गतिविधि निरन्तर गरिरहेको र त्यसले आफूलाई मानसिक तनाव, पीडा तथा सामाजिक असहजता निम्त्याएको उल्लेख छ।
उनले उजुरीपत्रमा भनेकी छन् — “उक्त व्यक्तिले निराधार आरोप लगाउँदै लामिछानेलाई ‘सहकारी चोर’जस्ता शब्द प्रयोग गरी सार्वजनिक रूपमा अपमान गरेको छ, जुन कानुनी रूपमा अपराध हो।”
उनी भन्छिन्, “यस्ता गतिविधिहरूले व्यक्तिको इज्जत, मर्यादा र सामाजिक प्रतिष्ठामा गम्भीर क्षति पुर्याएको छ, त्यसैले सम्बन्धित निकायले छानबिन गरी कानुनी कारबाही गर्न आवश्यक छ।”
मिम गुरुका अनुसार, यो कार्य मानहानी (Defamation) र साइबर अपराध (Cybercrime) दुवै अन्तर्गत पर्छ, र उनले सो विषयमा कानुनी प्रावधानअनुसार आवश्यक अनुसन्धान र कारबाहीको माग गरेका छन्।
प्रतिक्रिया
सम्बन्धित खवर
